श्री खंडोबा देवस्थान , अणदूर - नळदुर्ग : संपर्क ७३८७९९४४११ ... Shri Khandoba Devasthan, Andur-Naldurg: Contact 7387994411

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

अणदूर - मैलारपूर येथील श्री खंडोबा हे अनेकांचे कुलदैवत आहे.सोलापूर पासून ४० कि.मी. व तुळजापूर पासून ३० कि.मी. अंतरावर हे ठिकाण आहे. श्रीची मुर्ती अणदूर येथे सव्वा दहा महिने तर मैलारपूर ( नळदुर्ग ) येथे पावणे दोन असते.

.

मैलारपूरच्या श्री खंडोबाची २५ जानेवारी रोजी महायात्रा

 



नळदुर्ग - महाराष्ट्रासह कर्नाटक, आंध्रप्रदेश, तेलंगणातील लाखो भाविकांचे श्रद्धास्थान असलेल्या मैलारपूर (नळदुर्ग ) येथील श्री खंडोबाच्या  वार्षिक यात्रा महोत्सवास  २४  जानेवारी  ( बुधवार ) रोजी प्रारंभ होत आहे. या यात्रोत्सवादरम्यान विविध धार्मिक व सांस्कृतिक कार्यक्रमांचे आयोजन करण्यात आले असून यात्रेची जय्यत पूर्वतयारी सुरू आहे. या महायात्रेस किमान पाच  लाख भाविक हजेरी लावतील, असा अंदाज व्यक्त केला जात आहे. 

श्री खंडोबा हा महादेवाचा अवतार असून महाराष्ट्रात श्री खंडोबाची एकूण आठ प्रमुख तीर्थक्षेत्र आहेत. त्यातील मैलारपूर ( नळदुर्ग ) हे दुसरे प्रमुख तीर्थक्षेत्र आहे.

नळ राजाची पत्नी दमयंती हिच्या भक्तीमुळे श्री खंडोबा नळदुर्गात प्रकट झाले तसेच  दमयंती राणीच्या भक्तीमुळे  श्री खंडोबाने  बाणाईस चंदनपूराहून नळदुर्गात आणून  विवाह केला व नंतर जेजुरीकडे प्रस्थान केले अशी आख्यायिका आहे.

श्री खंडोबाची अणदूर आणि नळदुर्ग मध्ये दोन वेगवेगळी   मंदिरे  असून मूर्ती मात्र एकच आहे.अणदूर मध्ये सव्वा दहा महिने व नळदुर्ग मध्ये पावणेदोन महिने श्री खंडोबाची मूर्ती ठेवण्याची परंपरा हजारो वर्षांपासून सुरू आहे.अणदूरहून नळदुर्गला आणि नळदुर्गहून अणदूरला मूर्ती नेताना दोन्ही गावातील मानकऱ्यात देवाचा करार केला जातो,. देवाचा करार करण्याची प्रथा महाराष्ट्रात फक्त याठिकाणी चालते, हे विशेष. 


मूर्ती अणदूर येथून नळदुर्गला आणल्यानंतर यात्रोत्सव सुरू असतो.दर रविवारी भाविक भक्त देवाच्या दर्शनासाठी मोठ्या संख्येने गर्दी करतात. त्यास खेटे असे संबोधले जाते. पौष पौर्णिमा महायात्रा संपल्यानंतर अष्टमी करून नवमीला मूर्ती अणदूरला नेण्यात येते.

२५ जानेवारी यात्रेचा मुख्य  दिवस 

नळदुर्गची महायात्रा पौष पौर्णिमेला भरते. महायात्रा २४ जानेवारी रोजी सुरु होणार असून, २५  जानेवारी यात्रेचा मुख्य दिवस आहे. .गुरुवारी  ( दि.२५ ) पहाटे ४ वाजता काकडा आरती झाल्यानंतर श्री खंडोबाच्या मूर्तीवर अभिषेक करुन अभ्यंगस्नान घालण्यात येणार आहे.त्यांनतर महावस्त्र अलंकार पूजा करून महानैवेद्य दाखवण्यात येणार आहे. 

दिवसभर भंडारा व खोबरे उधळणे , विविध गावाहून आलेल्या नंदीध्वजाची मिरवणूक ,लहान मुलांचे जावळ काढणे, तळी भांडार उचलणे आदी धार्मिक कार्यक्रम पार पडणार आहेत.  रात्री १२ वाजता अणदूर आणि नळदुर्गच्या मानाच्या काठ्याचे व अणदूरहुन आलेल्या घोड्यांचे आगमन होणार आहे. याचवेळी रंगीबेरंगी शोभेच्या दारूची आतषबाजी करण्यात येणार आहे. मध्यरात्री २ वाजता मंदिरात अणदूर व नळदुर्गच्या मानकऱ्यांचा सत्कार  करण्यात आल्यानंतर पहाटे ३ वाजता श्री ची छबिना मिरवणूक निघणार आहे. शुक्रवारी ( दि. २६ ) दुपारी  २ ते सायंकाळी ७ वाजता जंगी कुस्ती स्पर्धा होऊन यात्रेची सांगता होणार आहे.


यात्रेची जय्यत तयारी सुरू 


यात्रेनिमित्त श्री खंडोबा  मंदिरावर विद्युत रोषणाई करण्यात आली असून, भाविकांना रांगेत दर्शन घेता यावे यासाठी दर्शन बारी तयार करण्यात आली आहे. यंदा दुष्काळी परिस्थिती असल्याने टॅंकरने पाणी पुरवठा करण्यात येणार आहे. तसेच मंदिरात परिसरात बोअर घेण्यात आले असून, तीन टाकीमध्ये २४ तास पाणी राहणार आहे, तसेच यात्रा शांततेत आणि सुरळीत पार पडण्यासाठी कडेकोट पोलीस बंदोबस्त ठेवण्यात येणार आहे. 


अणदूरच्या श्री खंडोबाची २४ नोव्हेंबर रोजी यात्रा

 



२५ नोव्हेंबर रोजी पहाटे 'श्री' चे नळदुर्गमध्ये आगमन


उस्मानाबाद -  तुळजापूर तालुक्यातील अणदूर येथील कुलदैवत श्री खंडोबाची यात्रा येत्या २४ नोव्हेंबर ( गुरुवार ) रोजी भरत आहे. यात्रेनिमित्त विविध धार्मिक कार्यक्रमाचे आयोजन करण्‍यात आले असून यात्रेची जय्यत सुरु आहे, अशी माहिती श्री खंडोबा मंदिर समितीचे सचिव सुनील ढेपे यांनी दिली.


अणदूरच्या यात्रेनिमित्त विविध धार्मिक कार्यक्रमाचे आयोजन करण्यात आले आहे. सकाळी ९ .३० वाजता श्री खंडोबाची महापूजा होईल. दिवसभर भंडारा - खोबरे उधळणे, महानैवेद्य दाखवणे आदी कार्यक्रम पार पडतील. रात्री दहा वाजता श्रीचा छबीना - मिरवणुक काढण्यात येईल. रात्री १२ वाजता नळदुर्गच्या मानकऱ्याचे आगमन, त्यानंतर मानपानाचा कार्यक्रम होईल. त्यानंतर अणदूर-मैलारपूर(नळदुर्ग) च्या मानकऱ्यात  खंडोबाची मूळ मूर्ती नेणे व आणण्याचा लेखी करार होईल. मध्यरात्री २.३० वाजता खंडोबाच्या मूर्तीच्या पालखीचे मैलारपूर (नळदुर्ग) कडे प्रस्थान होईल. २५ नोव्हेंबर रोजी पहाटे ५ वाजता मैलारपूर (नळदुर्ग) मंदिरात खंडोबाचे आगमन नंतर विधीवत प्रतिष्ठापना केली जाईल.

 

अणदूरच्या यात्रेनिमित्त श्री. खंडोबाच्या मंदिरावर विद्युत रोषणाई करण्यात येणार आहे, तसेच भाविकांसाठी विविध सोयी सुविधा उपलब्ध करुन देण्यात आल्या आहेत. श्री खंडोबा मंदिर समिती व श्री खंडोबा यात्रा कमिटी यात्रा सुरळीतपणे पार पाडण्यासाठी परिश्रम घेत आहे.

 

श्री खंडोबा आणि बाणाई विवाहस्थळ

श्री खंडोबा हा महादेवाचा अवतार असून खंडोबाची महाराष्ट्रात ८  प्रमुख ठिकाणे आहेत, पैकी अणदूर-मैलारपूर (नळदुर्ग) महत्वाचे स्थान म्हणून ओळखले जाते. दमयंती राणीच्या भक्तीसाठी श्री खंडोबा नळदुर्ग येथे प्रकट झाले, अशी आख्यायिका आहे. श्री खंडोबा आणि बाणाई यांचा विवाह नळदुर्ग जि. उस्मानाबाद येथे झाला होता म्हणून या स्थानाला अन्यन्यसाधारण महत्व आहे,  आणखी एक वैशिष्ट्य म्हणजे अणदूर व मैलारपूर (नळदुर्ग) या दोन्ही ठिकाणी खंडोबाची मंदिरे असून दोन्ही ठिकाणचे अंतर चार कि.मी. आहे. खंडोबाचे अणदूर येथे सव्वा दहा महिने व मैलारपूर (नळदुर्ग) येथे पावणे दोन महिने वास्तव्य असते. अणदूरच्या यात्रेनंतर खंडोबाचे मैलारपूर (नळदुर्ग) कडे प्रस्थान होणार आहे.

 

अणदूरच्या श्री खंडोबाचे सिंहासन चांदीचे होणार

नाशिकचे कारागीर परेश कुलकर्णी आणि त्यांचे सहकारी दीड महिन्यात काम पूर्ण करणार 


अणदूर - तुळजापूर तालुक्यातील अणदूर येथील श्री खंडोबाचे सिंहासन बदलण्यात आले असून, हे सिंहासन चांदीचे करण्यात येत आहे. त्यासाठी ३५ किलो चांदी लागणार असून २५ लाख रुपये खर्च अपेक्षित आहे. हे काम नाशिकचे कारागीर परेश कुलकर्णी आणि त्यांचे सहकारी करणार आहेत. 


श्री खंडोबा - बाणाई विवाहस्थळामुळे अणदूर येथील श्री खंडोबा तीर्थक्षेत्र प्रसिद्ध आहे. या खंडोबाच्या दर्शनासाठी  संपूर्ण महाराष्ट्र, कर्नाटक आणि आंध्र प्रदेश मधील भाविक दररोज येत असतात. हे मंदिर पुरातन असून साडेतीनशे वर्षांपूर्वी छत्रपती शाहू महाराज आणि पुण्यश्लोक अहिल्यादेवी होळकर यांनी मंदिराचा जीर्णोद्धार केला आहे. 


या मंदिरातील पुरातन सिंहासन पितळी होते, त्याची काही प्रमाणात झीज झाल्याने ते काढून सागवानमध्ये सिंहासन तयार करण्यात आले आहे. त्यावर आता चांदीने बसवण्यात  येणार असून , सुंदर नक्षीकाम देखील करण्यात येणार आहे. या कामासाठी ३५ किलो चांदी लागणार असून २५ लाख रुपये खर्च अपेक्षित आहे. हे काम नाशिकचे कारागीर परेश कुलकर्णी आणि त्यांचे सहकारी करणार आहेत. दीड महिन्यात हे  काम पूर्ण करणार असल्याचे कुलकर्णी यांनी सांगितले. 




 परेश कुलकर्णी यांना सोमवारी या कामाचे कंत्राट देण्यात आले , यावेळी  मंदिर समितीच्या वतीने उपाध्यक्ष अविनाश मोकाशे यांच्या हस्ते कुलकर्णी यांचा सत्कार करणात आला. यावेळी अध्यक्ष बालाजी मोकाशे, सचिव सुनील ढेपे, सदस्य दीपक मोकाशे, बाळू येळकोटे, महादेव खापरे आदी उपस्थित होते. 



ज्या भाविकांना या पुण्यकामास आर्थिक मदत करण्याची इच्छा असेल त्यांनी श्री खंडोबा देवस्थान,एसबीआय  बँक खाते नंबर - 11507329802  IFS Code SBIN0003404 यावर रक्कम जमा करावी, असे आवाहन मंदिर समितीच्या वतीने सचिव सुनील ढेपे यांनी केले आहे.  




श्री खंडोबा देवस्थान ट्रस्टच्या अध्यक्षपदी बालाजी मोकाशे

सचिवपदी सुनील ढेपे यांची फेरनिवड 




अणदूर - तुळजापूर तालुक्यातील अणदूर - नळदुर्ग ( मैलारपूर ) येथील श्री खंडोबा देवस्थान ट्रस्टच्या अध्यक्षपदी बालाजी मोकाशे, उपाध्यक्षपदी अविनाश मोकाशे यांची नव्याने तर सचिवपदी सुनील ढेपे यांची फेरनिवड करण्यात आली आहे. 

अणदूर - नळदुर्ग ( मैलारपूर ) येथील श्री  खंडोबा हे जागृत देवस्थान असून, श्री खंडोबा - बाणाई विवाहस्थळामुळे राज्यात प्रसिद्ध आहे.  श्री खंडोबाच्या दर्शनासाठी  महाराष्ट्र, कर्नाटक, आंध्र प्रदेश . तेलंगणा येथील हजारो भाविक दर्शनासाठी दरवर्षी येत असतात. 

१० वर्षानंतर श्री खंडोबा देवस्थान ट्रस्टचे पदाधिकारी बदलेले आहेत. सचिव सुनील ढेपे वगळता अन्य आठ सदस्य नवीन घेण्यात आले आहेत. मावळते अध्यक्ष प्रकाश मोकाशे यांनी नव्या पदाधिकाऱ्याकडे कार्यभार सोपवला. 

नवीन पदाधिकारी असे : अध्यक्ष -  बालाजी  सुधाकर मोकाशे , उपाध्यक्ष  - अविनाश दिलीप मोकाशे , सचिव  - सुनील मधुकर ढेपे 

सदस्य -  महेश विठ्ठल  मोकाशे,  शशिकांत यादव मोकाशे , दिपक अशोक मोकाशे ,महादेव गंगाधर मोकाशे , अमोल रमेश मोकाशे , सदानंद खंडेराव येळकोटे. 


स्वर्गाची सुंदरी, नवरी नटली नंतर राहुल शिंदेचं आलं अणदूर - नळदुर्गच्या खंडोबावर लोकप्रिय गाणं




उस्मानाबाद  - स्वर्गाची सुंदरी, नवरी नटली , पुण्याचा राघू आदी लोकप्रिय गाणे गाणाऱ्या गायक राहुल शिंदे यांचं  खंडोबावर नवीन दमदार गाणं रसिकांच्या भेटीला आलं आहे. तुळजापूर तालुक्यातील अणदूर आणि नळदुर्गच्या  श्री खंडोबा आख्यायिकेवर पत्रकार सुनील ढेपे यांनी  हे गाणं लिहिले आहे. 

अणदूर आणि नळदुर्ग हे दोन वेगवेगळे गावे असली तरी श्री खंडोबाची मूर्ती एकच आहे. अणदूर येथे सव्वा दहा महिने आणि नळदुर्ग येथे पावणे दोन महिने श्री खंडोबाचे वास्तव असते. श्री खंडोबा आणि बाणाई यांचा विवाह याच ठिकाणी झाला आहे. त्यामुळे तीर्थक्षेत्राला अनन्य साधारण महत्व आहे. 

याच खंडोबा आख्यायिकेवर पत्रकार सुनील ढेपे यांनी 'बघा माझा खंडोबा कसा डोलतो' हे  भक्तीगीत लिहिले असून, गायक राहुल शिंदे यांनी आपल्या दमदार आवाजात हे गायलं आहे.सहगायक म्हणून शाहीर बापु पवार आणि सचिन अवघडे यांनी भाग घेतला आहे. उस्मानाबाद लाइव्ह आणि मुक्तरंग म्युझिक चॅनलने हे गाणं रिलीज केले आहे. 

अणदूरच्या श्री खंडोबाची यात्रा ५ डिसेंबर रोजी आहे. त्यानंतर श्री खंडोबाचे नळदुर्गमध्ये आगमन होते, त्यानंतर दर रविवारी यात्रा तर पौष पौर्णिमेला महायात्रा भरते , दर रविवारच्या यात्रेला किमान २० ते ३० हजार भाविक आणि महायात्रेला ५ लाख भाविक येत असतात. कोरोनामुळे दोन वर्षे यात्रा झाली नसली तरी यंदा यात्रा नेहमीप्रमाणे भरण्याची शक्यता आहे. 

युट्युब लिंक 



अणदूर - नळदुर्गचे खंडोबा मंदिर दर रविवारी बंद




अणदूर - तुळजापूर तालुक्यातील अणदूर - नळदुर्गचे श्री खंडोबा  मंदिर यापुढे  दर रविवारी बंद राहणार आहे. प्रशासनाच्या आदेशानुसार हा निर्णय घेण्यात आला असून, भाविकांनी पुढील आदेश येईपर्यंत रविवारी दर्शनासाठी येऊ नये, असे आवाहन  मंदिर समितीच्या वतीने करण्यात आले आहे. 


कोरोना रुग्णाची संख्या वाढल्यामुळे  उस्मानाबाद जिल्ह्यात दर रविवारी जनता कर्फ्यू लागू करण्यात आला आहे. तसेच दर रविवारी मंदिरे आणि  प्रार्थनास्थळेही  बंद राहणार आहेत, प्रशासनाच्या आवाहनाला प्रतिसाद देत अणदूर - नळदुर्गचे  श्री खंडोबा मंदिर दर रविवारी बंद  ठेवण्याचा निर्णय मंदिर समितीने घेतला आहे. 


अणदूर - नळदुर्गचे श्री खंडोबा मंदिर  जागृत देवस्थान असल्याने दर रविवारी दोन्ही ठिकाणी भाविकांची  मोठी गर्दी असते. भाविकांनी यापुढे पुढील आदेश येईपर्यंत दर रविवारी दर्शनासाठी येऊ नये, असे आवाहन मंदिर समितीचे सचिव सुनील ढेपे यांनी केले आहे. 

कोरोनाचा फटका : नळदुर्गच्या श्री खंडोबाची महायात्रा रद्द




नळदुर्ग : अणदूर पाठोपाठ नळदुर्गच्या श्री खंडोबा यात्रेला कोरोना महामारीचा फटका बसला आहे. २७ ते २९ जानेवारी रोजी भरणारी महायात्रा रद्द करण्यात आली आहे. या तिन्ही दिवशी मंदिर परिसरात संचारबंदी लागू करण्यात येणार  आहे, मात्र प्रमुख मानकरी आणि पुजारी यांच्या उपस्थितीमध्ये सर्व धार्मिक विधी पार पडणार आहेत. 


 मैलारपूर ( नळदुर्ग ) येथील श्री खंडोबा असंख्य लोकांचे कुलदैवत आहे. त्यामुळे महाराष्ट्र, कर्नाटक आणि आंध्र प्रदेश या तीन राज्यातून किमान पाच ते सात लाख भाविक यात्रेसाठी हजेरी लावत असतात. श्री खंडोबा - बाणाई विवाहस्थळ असल्यामुळे आणि जवळच भुईकोट किल्ला असल्यामुळे यात्रेला मोठी गर्दी असते. 


यंदाची यात्रा दि. २७ ते २९ जानेवारी रोजी भरणार होती. २८ जानेवारी रोजी छबिना निघणार होता. २९ जानेवारी रोजी कुस्तीचा फड रंगणार होता. मात्र कोरोना महामारीमुळे यात्रा रद्द करण्यात आली आहे तसेच कुस्त्या होणार नाहीत. आजपर्यंतच्या इतिहासात प्रथमच यात्रा रद्द करण्यात आली आहे. 


२७ ते २९ जानेवारी दरम्यान   मैलारपूर  मंदिराकडे जाणारे सर्व रस्ते बंद करण्यात येणार आहेत. तसेच व्यवसायीकांना दुकान लावण्यास मनाई करण्यात येणार आहे. याबाबत रविवारी झालेल्या शांतता कमिटीच्या बैठकीत नियमावली वाचून दाखवण्यात आली. यावेळी पोलीस अधिकारी , आरोग्य विभाग, नगर पालिका कर्मचारी, मानकरी, पुजारी, लोकप्रतिनिधी व प्रतिष्ठित नागरिक उपस्थित होते. 


धार्मिक विधी पार पडणार 


कोरोना महामारीमुळे महायात्रा रद्द करण्यात आली असली तरी सर्व धार्मिक कार्यक्रम पार पडणार आहेत.  २७ ते  २९ जानेवारी हे तीन मंदिर परिसरात संचारबंदी लागू करण्यात येणार आहे.नळदुर्ग व अणदुरच्या प्रत्येकी पंचवीस मानक-यांना या काळात पारंपरिक विधी करण्यासाठी प्रवेश देण्यात येणार आहे. यावेळी मैलारपूर मंदिराकडे येणारे सर्व रस्ते भाविकांसाठी बंद करण्यात येणार आहेत. बाहेर गावच्या भाविकांनी याची नोंद घेऊन सहकार्य करावे,  असे आवाहन मंदिर समितीच्या वतीने करण्यात आले आहे. 

Read More

https://osmanabadlive.com/breaking-news/coronas-blow-shri-khandobas-mahayatra-of-naldurg-canceled/cid2080221.htm

अणदूर खंडोबा मंदिराची छायाचित्रे











कोरोनाचा फटका : अणदूरच्या श्री खंडोबा यात्रेवर बंदी

प्रथेप्रमाणे ५० लोकांच्या उपस्थितीमध्ये मूर्ती नळदुर्गला जाणार 






अणदूर - तुळजापूर तालुक्यातील अणदूर येथील श्री खंडोबा यात्रेला यंदा कोरोनाचा फटका बसला आहे.  १५ डिसेंबर रोजी होणारी यात्रा  रद्द करण्यात आली आहे. मात्र प्रथेप्रमाणे श्री खंडोबाची मूर्ती ५० लोकांच्या उपस्थितीमध्ये  नळदुर्गला नेण्यात येणार आहे. 


अणदूर आणि नळदुर्ग मध्ये श्री खंडोबाचे दोन वेगवेगळे मंदिर असून, श्री खंडोबाची मूर्ती अणदूर येथे सव्वा दहा महिने तर नळदुर्ग येथे पावणे दोन महिने असते.गेल्या सातशे वर्षापासून ही रूढी - परंपरा सुरु आहे. अणदूरची यात्रा झाली मूर्ती नळदुर्गला नेली जाते. यंदा १५ डिसेंबर रोजी अणदूरची यात्रा होती. 


कोरोनाच्या पार्श्वभूमीवर अणदूरची  यात्रा रद्द करण्यात आली आहे. अणदूर आणि नळदुर्गचे  प्रमुख मानकरी, विश्वस्त मंडळ, पुजारी यांच्या उपस्थितीमध्ये लेखी करार करून मूर्ती नळदुर्गला नेण्यात येणार आहे, मात्र यात्रा होणार नाही., असे प्रशासनाने कळविले आहे. 


मंदिर परिसरात प्रासादिक भांडार दुकाने लावण्यास तसेच  हॉटेल, खेळणी दुकाने , पाळणे लावण्यास बंदी  घालण्यात आली आहे. यादिवशी भाविकांनी गर्दी करू नये असे आवाहन करण्यात आले आहे. 


नळदुर्गच्या मंदिराची रंगरंगोटी सुरु 


श्री खंडोबाचे १६ डिसेंबर रोजी पहाटे नळदुर्गच्या  श्री खंडोबा मंदिरात  आगमन होणार आहे. या मंदिराची सध्या  रंगरंगोटी सुरु असून त्याचे काम अंतिम टप्पात आहे.